இன்டர்நெட் எக்ஸ்ப்ளோரர் 7 வலை உலாவியை இறக்கிக்கொள்ள விரும்புபவர்கள் (அப்படி யாராவது இருந்தால்) Windows Genuine Advantage (WGA) சோதனை எதுவும் இல்லாமல் அதை இறக்கிக்கொள்ளலாம்.
பாதுகாப்பு பிரச்சினை என்று மைக்ரோசாஃப்ட் கதை விடுகிறது. ஆனால் ஃபயர்ஃபாக்ஸின் வளர்ச்சியைப் பார்த்து பீதியடைந்துதான் பெரியண்ணன் திடீர் உபசாரம் செய்கிறார் என்பது தெளிவு.
ஐ.பி.எம். நிறுவனம் இலவச, திறந்த மூல ஆஃபீஸ் மென்பொருள் தொகுப்பை வெளியிட்டிருக்கிறது. ஒரு சொற்செயலி, ப்ரெசன்டேஷன் நிரல், ஸ்ப்ரெட்ஷீட் நிரல் ஆகியவை இதில் இருக்கின்றன. IBM Lotus Symphony இங்கே கிடைக்கிறது.
கூகிளின் ஜிஃபோன் இதோ வருகிறது என்று சொல்லிக்கொண்டிருக்கிறார்கள். தைவானிய நிறுவனமான ஹெச்.டி.சி. 20 மாடல்களைத் தயாரிக்கப்போவதாகவும் பேச்சு. இதற்கிடையில் நிஜம் போலவும் ஃபோட்டோஷாப் போலவும் வந்த சில ‘ஜிஃபோன் படங்கள்’ (பெரிதாக்கிப் பாருங்கள்)…
பிரிட்டனில் இருக்கும் இஸ்லாமிய அடிப்படைவாதிகளைப் பற்றி உளவு அமைப்பான MI5க்குத் தகவல் தர பிஷர் அல்-ராவி ஒப்புக்கொண்டார். அதற்கு நன்றிக் கடனாக எம்.ஐ.5 அவரைத் தீவிரவாதி என்று சி.ஐ.ஏ.வுக்குக் காட்டிக்கொடுத்தது. அல்-ராவி நான்கு வருடங்கள் குவான்டானமோ பே சிறைக்கூடத்தில் அடைக்கப்பட்டுச் சித்திரவதை செய்யப்பட்டார்.
நீல மரணத் திரையை (Blue Screen of Death) நினைவிருக்கிறதா? ஓர் அதிபுத்திசாலி அதைப் பச்சை குத்திக்கொண்டிருக்கிறார்.
மைஸ்பேஸ் சேவையை வசதியில்லாத இளைஞர்களே அதிகம் பயன்படுத்துகிறார்கள்; ஃபேஸ்புக்கை வசதியானவர்கள் பயன்படுத்துகிறார்கள் என்கிறது இந்தக் கட்டுரை.
Kyte.tv பற்றிக் கேள்விப்பட்டதில்லை. நோக்கியா இதில் முதலீடு செய்திருக்கிறது என்று எங்கோ படித்ததும் போய்ப் பார்த்தேன். Kyte என்ற அதன் பக்காவான மொபைல் மென்பொருளை என் மொபைலில் நிறுவிக்கொண்டேன். என்னுடைய படு சுமாரான GPRS இணைப்பிலேயே பரவாயில்லாமல் தெரிந்தது வீடியோ. ஆனால் ஸ்டாம்ப் சைஸில்.
கைட் வலையகம் மற்ற வீடியோ பகிர்வு வலையகங்களை விட நன்றாக இருக்கிறது. இது ஒரு நல்ல தொடக்கம். நோக்கியாவின் பலத்தில் கைட் மொபைல் யூட்யூப் ஆகுமா என்று பார்க்க வேண்டும்.
நான் செய்த ஸ்லைட் ஷோ…