பிளாகருக்கு டெம்ப்ளேட் உருவாக்கித் தரும் வலைப்பக்கங்களைப் பார்த்திருப்பீர்கள். இது வேர்ட்பிரஸுக்கு.
கொஞ்சம் குழப்பமாக இருக்கும். உதவிக் குறிப்புகளைப் படித்துக்கொள்க.
உங்கள் மொபைலானது Symbian, Windows Mobile மாதிரி ஒரு இயக்குதளத்தில் இயங்கினால், அதில் ஓரளவு நல்ல GPRS இணைப்பு இருந்தால், இந்த மென்பொருளை வைத்து ஒரு புரட்சியையே செய்துகொள்ளலாம்.
மொபைலுக்கான விட்ஜெட்களை வழங்குகிறது WidSets . விட்ஜெட்கள் எனப்படுபவை குட்டி நிரல்கள். அவற்றுக்கு விட்செட்ஸ்தான் பிளாட்ஃபார்ம் போல் இயங்குகிறது.
விக்கிபீடியா, பி.பி.சி. செய்திகள், IMDB போன்ற மிகப் பிரபலமான விட்ஜெட்கள் இருக்கின்றன. இவற்றின் வேலை, அந்தந்த சைட்களிலிருந்து தகவலைக் கொண்டுவந்து தருவது. சுடோக்கு மாதிரி விளையாட்டுகளும் இருக்கின்றன. ஃப்ளிக்கரில் சில குறிச்சொற்களில் வரும் படங்களுக்கும் தனியாக விட்ஜெட்கள் உண்டு.
விட்ஜெட்களை செய்திகள், அரட்டை, கேளிக்கை, விளையாட்டு, இசை, வலைப்பதிவுகள் உட்பட பல வகைகளாகப் பிரித்திருக்கிறார்கள். சாதா பட்டியல், பிரபலமானவை பட்டியல் என்று இரண்டு இருக்கின்றன. எதில் போனாலும் விட்ஜெட்டின் மேல் க்ளிக் செய்தால் விவரம் தெரியும். Pick-ஐ அழுத்தினால் உங்கள் விட்செட் முகப்பில் சேர்ந்துவிடும்.
இதில் ஒரு பியூட்டி, உங்கள் மொபைலில் என்னென்ன சைட் எல்லாம் பார்க்க விரும்புகிறீர்களோ, அவற்றின் RSS முகவரியை அதன் வலையகத்தில் தந்து புதிய விட்ஜெட்களை உருவாக்கலாம் (முதலில் உறுப்பினர் ஆக வேண்டும்). உருவாக்கும் வேலையை மட்டும் அவர்கள் வலையகத்தில் செய்ய வேண்டும்.
அடிப்படையான பல செய்தி வலையகங்களும் வலைப்பதிவுகளும் முன்பே விட்ஜெட் ஆக்கப்பட்டிருக்கும் என்பதால் நீங்கள் புதிதாக உருவாக்கத் தேவையில்லை. புதிய விட்ஜெட்களை உருவாக்கத் இரண்டு விஷயங்கள் தேவை: 1. RSS முகவரி, 2. விட்ஜெட்டுக்கு லோகோவாக ஏதாவது ஒரு படம் (இதை ஏன் கட்டாயம் என்று தெரியவில்லை; டீபால்டு இமேஜ் எதையாவது போட வேண்டியதுதானே). விளையாட்டு, அரட்டை போன்ற விட்ஜெட்களை நான் முயற்சி செய்து பார்க்கவில்லை.
விட்செட்ஸ் உங்கள் மொபைலில் எத்தனை கிலோபைட்/மெகாபைட் தரவை மொபைலுக்கு இறக்கியது என்ற விவரத்தை Traffic என்ற இணைப்பை அழுத்தித் தெரிந்துகொள்ளலாம். மொபைலில் அவ்வப்போது விட்ஜெட்களின் உள்ளடக்கத்தைப் புதுப்பிக்கலாம். மொபைல் பில்லைப் பற்றிக் கவலை இல்லை என்றால் 325 விட்ஜெட்கள் கூட வைத்துக்கொள்ளும் வசதி உண்டு.
ஆனால் இது தரவைச் சுருக்கித்தான் தருகிறது. இந்த புரோகிராம் எல்லாவற்றையும் சில நொடிகளில் செய்துவிடுகிறது. நல்ல மொபைல் feed reader கிடைக்காமல் அலுவலக இருக்கையில் உழல்பவர்களுக்கும் இது நல்ல தீர்வு.
சில பற்றாக்குறைகள் இருக்கின்றன - உதாரணமாக, More போட்டுத் தடுக்கப்படாத வலைப்பதிவுகளின் முழு இடுகைகளையும் படிக்க முடிகிறது, ஆனால் மறுமொழிகளுக்குத் தனி விட்ஜெட்களைத்தான் உருவாக்க வேண்டும். இது பீட்டா பதிப்பு. அடுத்ததில் பல முன்னேற்றங்களை எதிர்பார்க்கலாம். மொபைலுக்கு இது ஒரு கொலைகாரப் பயன்பாடு (killer app) என்பதில் சந்தேகமில்லை என்று கூறி…
நிறைய டாலர்களுடன் கூடிய விளக்கம் - Localizing a WordPress Plugin Using poEdit
மதுரையின் பாரம்பரியமிக்க ‘பர்ஸ் விளையாட்டு’ அழிந்துபட்ட கண்ணீர்க் கதையினைக் கேளீர்.
இரவுக் கழுகு, காமிக்ஸ் சாகச நாயகன் டெக்ஸ் வில்லரின் பட்டப் பெயர். லயன், முத்து காமிக்ஸ் புத்தகங்களில் தோன்றி ஆயிரக்கணக்கானோரின் இளமைப் பருவத்தை வளப்படுத்திய கௌபாய் டெக்ஸ் வில்லர்.
அப்பேர்ப்பட்டதோர் நாயகனின் பெயரைத் தாங்கி வந்திருக்கிறது ஒரு வலைப்பதிவு. காமிக்ஸ் படிப்பவர்களுக்கும் தெரியாத பல சுவையான தகவல்கள் இதில் கிடைக்கும் என்ற எதிர்பார்ப்பைக் கிளறிவிட்டிருக்கிறது இரவுக் கழுகு.
கிட்டத்தட்ட இரண்டு வருடங்களில் 4 கோடியே 53 லட்சத்து 68 ஆயிரம் ஹிட்ஸ் கிடைக்கும் அளவிற்குப் பிரபலம் இந்த வலைப்பதிவு.
PostSecret ஆயிரக்கணக்கான அல்லது லட்சக்கணக்கான பேரின் பங்களிப்பில் நடத்தப்படும் வலைப்பதிவு.
அத்தனை பேரும் தாங்கள் யாரிடமும் பகிர்ந்துகொள்ள முடியாத ரகசியங்களை ஒரு போஸ்ட்கார்டில் அனுப்புகிறார்கள்.
இந்த போஸ்ட்கார்டுகள் பெரும்பாலும் அவர்களே தங்கள் கைவண்ணத்தில் தயாரித்தவையாக இருக்கும். ரகசியத்திற்கு சமமான முக்கியத்துவத்தை கற்பனைக்கும் தரச் சொல்கிறார்கள் என்பதால் பதிவுகள் ரசிக்கும்படியாக இருக்கின்றன. இவற்றை கொலாஜ் வகையறாவில் சேர்க்கலாம்.
ரகசியங்கள் “நான் என் தோழியின் காதலனுடன் படுத்தேன்” என்பதிலிருந்து “நீ பரீட்சையில் தோற்றுப் போனதற்கு நான் சந்தோஷப்பட்டேன்” என்பது வரை பல வகை.
வலைப்பதிவு மற்றும் வேர்ட்பிரஸ் நிபுணர் லோரெல் விளக்குகிறார்.
நாம் பின்பற்ற முடியாத மேற்கத்தியமான அறிவுரை எதையும் அவர் தரவில்லை. உதாரணமாக, க்ரியேட்டிவ் காமன்ஸ் வலையகம் தரும் பதிப்புரிமை அறிவிப்பு ஒன்றை உங்கள் வலைப்பதிவில் போடுங்கள் என்கிறார்.
பர்சனல்: என்னுடைய இன்னொரு வலைப்பதிவான மைய நீரோட்டத்திற்கு நான் தேர்ந்தெடுத்த அறிவிப்பு பெரும்பாலான வலைப்பதிவுகளுக்குப் பொருந்தலாம். இதைத் தேர்ந்தெடுக்க நான் நிரப்பிய படிவம் இது.